شبكة الـ عراق جات

معاً نلتقي لنرتقي
 
الرئيسيةبحـثالمجموعاتالتسجيلدخول
للاستفسار او الاتصال ادارة الشبكة ... موبايل 07809610099 او البريد الالكتروني rashad884@yahoo.com
اذا اردت ان يكون لديك حساب في شبكة الـ عراق جات عليك اتباع الخطوات التالية اولاً الذهاب على كلمة تسجيل وبعدها ادراج الاسم المستعار والباسورد وبعد اكمال الخطوات سيتم ارسال رسالة على بريدك الالكتروني الذي قمت بأدخالة اثناء التسجيل عليك فتح الرسالة وتفعيل حسابك خطوات جداً بسيطة
شبكة الـ عراق جات
قنوات bein sports
DIV>
الدردشة
المواضيع الأخيرة

شاطر | 
 

 مجموعه من الشعر الشعبي او ابوذيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميمي
عضو ماسي

عضو ماسي


الموقع : http://alzaeem.lolbb.com

مُساهمةموضوع: مجموعه من الشعر الشعبي او ابوذيه   25.12.12 19:29

اي نعم حبيتك انت وغير شخصك ما اريد اي نعم مو بس احبك اني ميت والله بيك شكد قوي او شخصيتي نجمة او ناسي ليل لاكن تريد الصدك كلش ضعيف لمن احس روحي بديك
انت نقطة ضعف بيه ومن صدك حبيت ضعفي جيه طلع ضعفانه بيك علمتني بكل سهوله اصعد اعله السيف ركبة وادري كل باياته موت او ماخفت لو روحي تطلع خله تطلع هم تجيك
ودرستني الحب قضية وعلمتني شلون احبك ومن نجحت بدرسك اني بعت ادية حته بيدية اشتريك
او اشتريتك من زماني او ساوموني اعليك كلهم وما قبلت احد يجيك عمري عمري من شفتك كمر سويته ماي حته اكدر بين ايام العمر لحظة احتويك مرة اذكر تيهيتك
دوريت بروحي عنك او نثريت اجزائي كله اعله الارض وفتشتهن وحدة وحدة او مالكيتك
او تالي من اسالت كلبي عليك كال اشبيك اشبيك مجنون انت هذا هو كبال عينك واكف ايباوع عليك هيج مجنون اني بيك حته شيطان الشعر بي ذهني واكف
فرض حكمك واصدري بشعري قرار لازم ابمحراب عينك من اريد اكتب قصيدة اوكف بطولي اندعيك
ولذالك قررت راح انسه احبك وابدي اموت اني عليك وابدي اموت اني عليك
-----------
اريدك تكشف اوراقك وسراك
وشنهو الطوقك بيه وسراك
ايوجد شي حله بعينك وسرك
اشوفك صافن تباوع عليه
-----------
يبج كلبي بجفى عني وشرب جاي
ضحك جنت اشتهي بشفته شرب جاي
جرحي وياي كعدته شرب جاي
وايسولف بيك واندخن سوية
-----------
تاب ايامي بيدك طالعه انت
بيه الكلب كلش طالع انت
حلو تخبل لبيك طالع انت
لجن لو لمك شيصير بيه
-----------
ما الوم المشاعر من تقفله
وشفك من باب كلبي من تقفله
لان بيت البوذيه من تقفله
مثل وجهك حلو بي شاعريه
-----------
الف تمساح اجاني من نهركم
وتكلي اندار كلبي من نهركم
سواد الليل شفته من نهركم
شتظن ليلك صبح يطلع عليه
-----------
كبر بستان زيجك وردة فاتح
وسكوت الفجر بيه وردة فاتح
لون شفاك وردي وردي فاتح
حمر اتصور او شبجت عليه
-----------
باب وعل ليلي سكرتني
وسكت اجر روحي او سكرتني
ردت من عده بوسة او سكرتني
سكرت او ما دريت الصار بيه
-----------
جنت شباك شوكك وسكريتك
او درب للصدك رته او سكه ريته
غشيمة بخمر شفتي سكريتك
او خليتك صدك تضحك عليه
-----------
بعد ما امن لغيرك بعد لا
او جذب ينصفني وك غيرك
مات الكلب بعد له
لحظة او لو تجي او تلحك عليه
-----------
بعداله الكلب مينصبك بعد لا
لانك مقبلت مرة بعد لا
اله وياك جم حسبه بعدله
او بعدهن تنتهي او لتعود اليه
-----------
علي اعله اعلى كيفك جايز اعله
لان كلبي اعله زعلك جايز اعله
محبتك كد محبتك جايز اعله
محبتك جايز اعله النوب بيه
-----------
هواك العذري هسة منعه جنه
وتندمنه بغرامك منعه جنه
جا تدري اصلك منعه جنه
بعد لدكلي جا حقك عليه
-----------
بحلكنه الجا اصيله من لفظه
او ايلوكله الجنوبي من لفظه
تريد اصير موله موله فظه
لعتكم والعجل متلوك اليه
-----------
صار اسنين بيك اهلك يدلعون
وسمعت امك تغنيلك يدلعون
نخيتك مدي كتلهم يد العون
لجن صطرات جفك طاح بيه
-----------
حرت شنطيج من عندي شهد لج
او عليج اختار من كلي شهد لج
وج لتصيحين وج سكتي شهد لج
زعلتي شبيج عمي الج عليه
-----------

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://alzaeem.lolbb.com/
 
مجموعه من الشعر الشعبي او ابوذيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة الـ عراق جات :: مــنـتـــدى الــشــعــــر الــشــعـــبــــي-
انتقل الى: