شبكة الـ عراق جات

معاً نلتقي لنرتقي
 
الرئيسيةبحـثالمجموعاتالتسجيلدخول
للاستفسار او الاتصال ادارة الشبكة ... موبايل 07809610099 او البريد الالكتروني rashad884@yahoo.com
اذا اردت ان يكون لديك حساب في شبكة الـ عراق جات عليك اتباع الخطوات التالية اولاً الذهاب على كلمة تسجيل وبعدها ادراج الاسم المستعار والباسورد وبعد اكمال الخطوات سيتم ارسال رسالة على بريدك الالكتروني الذي قمت بأدخالة اثناء التسجيل عليك فتح الرسالة وتفعيل حسابك خطوات جداً بسيطة
شبكة الـ عراق جات
قنوات bein sports
DIV>
الدردشة
المواضيع الأخيرة

شاطر | 
 

 مجروح يا غربتــــي وين اليداوينـــــــــــي ؟ تايه ,أدوّر هلـــــــي يا هو اليدلّينـــــــــــي ؟ طحت آني وآني الجملْ كثرت سجاجينـــــــــي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رشاد العراقي
المدير العام

المدير العام



مُساهمةموضوع: مجروح يا غربتــــي وين اليداوينـــــــــــي ؟ تايه ,أدوّر هلـــــــي يا هو اليدلّينـــــــــــي ؟ طحت آني وآني الجملْ كثرت سجاجينـــــــــي   11.11.11 21:03

حلمك علَـَيْ ... يا حزن
حلمك علَـَيْ ..... يا ليلْ
لا صبري , ذاك الصبر
ولا حيلي , ذاك الحيلْ
طالت علـَيْ غربتـــــي
وراواني عمري الويلْ
* * *
كلما أكول :الفـــــــــرحْ
باجر, يوافينـــــــــــــي
وينزاح ليل الحــــــزنْ
وتخضٍّر سنينــــــــــي
ويردْ حمام الصبــــــح
ويحط على عيونـــــي
واصرخْ واكولن هلي
يا ديره , ضمّينـــــــي
يصفعني كف الحلـــمْ
والدمعة تجوينــــــــي
* * *
مجروح يا غربتــــي
وين اليداوينـــــــــــي ؟
تايه , أدوّر هلـــــــي
يا هو اليدلّينـــــــــــي ؟
طحت آني وآني الجملْ
كثرت سجاجينـــــــــي
* * *
يا ليل حلمــــك علـَـــــي
حلمك علـَـى اعصابـــي
عضّيت كــــف النـــــدمْ
حـــد إنكسر نابــــــــــي
ما حد درى بعلّـــتــــــي
حتى اقرب أصحـــــابي
كلما أغمض الجـــــفــنْ
أتخيّــــل احبابـــــــــــي
واسمع رنين الحجـــــلْ
يركص على أعتــــابي
واجفل , واكولن : هَليْ
واركض , وأفك بابي
ما الكه غير الحــــــزنْ
بوجوه الأجنـــــــــــابِ
* * *
يا ليل ..... خبّر هلــــيْ
ضعت , وخذاني السيلْ
تاهت علـَي خطوتــــي
وضيّعت نجم سهيـــــل
بس عمري ما اتغيّرت
ذاك آني , حبّة هيـــــل
أضحك , وأطش الفرح
وبروحي , ترفس خيل
مجروح , وانزف شمع
يضوي بصواني الليل
كلما صفعني الوكــــت
كلت : اصفع بكل حيل
بيدي ازرعت غربتي
وبيدي حصدت الويل
* * *
حلمك علَـَيْ ... يا حزن
حلمك علَـَيْ ..... يا ليل
لا صبري , ذاك الصبر
ولا حيلي , ذاك الحيل
طالت علـَيْ غربتـــــي
وراواني عمري الويل
الرجوع الى أعلى الصفحة اذهب الى الأسفل
http://iraq.forumotion.com
 
مجروح يا غربتــــي وين اليداوينـــــــــــي ؟ تايه ,أدوّر هلـــــــي يا هو اليدلّينـــــــــــي ؟ طحت آني وآني الجملْ كثرت سجاجينـــــــــي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة الـ عراق جات :: مــنـتـــدى الــشــعــــر الــشــعـــبــــي-
انتقل الى: