شبكة الـ عراق جات

معاً نلتقي لنرتقي
 
الرئيسيةبحـثالمجموعاتالتسجيلدخول
للاستفسار او الاتصال ادارة الشبكة ... موبايل 07809610099 او البريد الالكتروني rashad884@yahoo.com
اذا اردت ان يكون لديك حساب في شبكة الـ عراق جات عليك اتباع الخطوات التالية اولاً الذهاب على كلمة تسجيل وبعدها ادراج الاسم المستعار والباسورد وبعد اكمال الخطوات سيتم ارسال رسالة على بريدك الالكتروني الذي قمت بأدخالة اثناء التسجيل عليك فتح الرسالة وتفعيل حسابك خطوات جداً بسيطة
شبكة الـ عراق جات
قنوات bein sports
DIV>
الدردشة
المواضيع الأخيرة

شاطر | 
 

 شلون أصبر على الآه.. و أترك نحيبي (قصائد مكتوبة )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رشاد العراقي
المدير العام

المدير العام



مُساهمةموضوع: شلون أصبر على الآه.. و أترك نحيبي (قصائد مكتوبة )   01.12.11 16:52


شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

تعنّى يم علي السجاد .. أبو حمزة الثمالي اليوم
يـﮕله سيدي الوادم .. بِدَت تحـﭽـي و عليك تلوم
شكثر تنحب يبو الباقر .. يـﮕولون النحب مذموم
يريدونك تكف دمعك .. تعيش بلا كدر و هموم

و عن دمعتك يـﮕلون .. لمن تسحها
هالدمعة للأموات .. تلـﭽم جرحها

خايف تصير .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يجاوب حُجة الباري .. و يصب دمع المحاجر دم
يـﮕله يا أبو حمزة .. الوادم حـﮕها ما تعلم
أنا القابض على الجمرة .. و يظللني سحاب الهم
أطَشر بالصبر حزني .. و ردود الحزن يلتم

و الوَجرت بحشاي .. نار المصيبة
شحال اليصد و يشوف .. مصرع حبيبه

يسعر لهيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو الحمزة البعض يفـﮕد .. عزيزه يظل عليه بنوح
و يظل طول الوكت ينحب .. و لا يملك زمام الروح
و هذا آنة الشِفت أهلي .. ضحايا بين ايدية تروح
بين الـﮕطعوا ﭼفوفه .. و بين اللي وﮔـع مذبوح

حـﮕـه اليريد يلوم .. و يبدي الملامة
ماحاضر و لا شاف .. جثة إمامه

دامي و عجيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يلوموني يبو حمزة .. و لا علينفجع معتب
فَرِد يوسف فـﮕد يعـﮕوب .. و ظل طول العمر ينحب
و أنا شـﭽم يوسف ﮔـبالي .. أشوفه على الثرى امترَب
رجع يوسف و أنا الما عاد .. حبيبي و بالدما تخضب

يوسف عَدِل ماطاح .. جسمه و تعفر
و ﮔـبالي جسم حسين .. طاح و توذر

خلف نحيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة العتب مذموم .. على اللي فـﮕد ضي عيناه
يلوموني البعض حـﮕهم .. محد شايف الشفناه
ماشافوا طفل ضامي .. عوض ما تطفى نار حشاه
تصيبه بمنحره النبلة .. و يتروى بنجيع دماه

و لا شاهدوا عريس .. و موذرينه
و تتحنى من دماه .. راحة يمينه

بالدم خضيب .. جرح الحبيب
لتظن يطيب .. جرح الحبيب .. و اترك نحيبي
***********
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة الزلم تطلع .. تقاتل تعرض المنحر
لـﭽن شنهو الجعل هالـﮕوم .. تشن غارتها عالخِدَر
عـﮕب ذبح الزِلِم بالطف .. علينا صالت العسكر
الأرامل و اليتامى بخوف .. هَجَت و الخيم تسعر

مرفوعة ليش الروس .. فوﮒ العواسل
ليش بيسر للشام .. تمشي الأرامل

و اللي يجيب .. جرح الحبيب
لتظن يطيب .. جرح الحبيب .. و اترك نحيبي
الرجوع الى أعلى الصفحة اذهب الى الأسفل
http://iraq.forumotion.com
رشاد العراقي
المدير العام

المدير العام



مُساهمةموضوع: رد: شلون أصبر على الآه.. و أترك نحيبي (قصائد مكتوبة )   31.12.12 5:00

شكررررررررررررررررررررررررررررررا
الرجوع الى أعلى الصفحة اذهب الى الأسفل
http://iraq.forumotion.com
 
شلون أصبر على الآه.. و أترك نحيبي (قصائد مكتوبة )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة الـ عراق جات :: مـنـتـــدى الـشـريــعــــة الأســلا مــيـــة-
انتقل الى: