شبكة الـ عراق جات

معاً نلتقي لنرتقي
 
الرئيسيةبحـثالمجموعاتالتسجيلدخول
للاستفسار او الاتصال ادارة الشبكة ... موبايل 07809610099 او البريد الالكتروني rashad884@yahoo.com
اذا اردت ان يكون لديك حساب في شبكة الـ عراق جات عليك اتباع الخطوات التالية اولاً الذهاب على كلمة تسجيل وبعدها ادراج الاسم المستعار والباسورد وبعد اكمال الخطوات سيتم ارسال رسالة على بريدك الالكتروني الذي قمت بأدخالة اثناء التسجيل عليك فتح الرسالة وتفعيل حسابك خطوات جداً بسيطة
شبكة الـ عراق جات
قنوات bein sports
DIV>
الدردشة
المواضيع الأخيرة

شاطر | 
 

 قصائد كتابية الهي إنجان ماردن لبو اليمه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رشاد العراقي
المدير العام

المدير العام



مُساهمةموضوع: قصائد كتابية الهي إنجان ماردن لبو اليمه    20.11.12 15:28

الهي إنجان ماردن لبو اليمه


أخذ عمري غيابه الموت إلي رحمه
****

أنا أمن سنين أنادي والدمع يجري

الهي بفقد أبو اليمه أنكسر ظهري
ونحل عظمي وذبل عودي وخلص صبري
إشبقه بعمري شلي بعمري دخذ عمري
****

تره الفاقد حبيبه الموت مايهمه

الهي كل شخص من يفقد أحبابه
تزوره الناس وتواسيه بمصابه
تذكره بيوم أبو السجاد وصوابه
****
لجن والدمعه على حسين سجابه
بيش الوادم أتواسيه وشتقله
شيقلي بفقد أبو اليمه اليواسيني
اشو عينك بغيابك تهل مثل عيني
****
يبو اليمه إشقطع مابينك وبيني؟
يبو اليمه عسى لاطالت إسنيني
بغيابك ماتت البسمه على شفافي
وحملت هموم هجرانك على جتافي
****
وين إمحبتك يابو قلب صافي
موكافي البعد يحسين موكافي ؟؟؟
أنا بفرقاك أعمى وتايه إبظلمه
أنا بفرقاك ليلي مالطع صبحه
****
أنا بفرقاك طير ومنكسر جنحه
أنا بفرقاك دلالي أنشعب جرحه
أنا بفرقاك كل ساعه أنذبح ذبحه
وكل ساعه أنلجم فوق الذبح لجمه
****
وكل ساعه أنلجم وأتطشر وألتم
مثل اليفقد بكل ساعه خاله وعم
يمن بعدك خناجر ناقعات بسم
همك ماتحمله القاع هذا الهم
****
وحتى القاع معنى البعد تفتهمه
تموت القاع لو ماشافت المطره
ويموت الطير لو مايرد للشجره
وحق الخالقك ياضنوة الزهره
****
نموت نموت لوما نرد للحضره
وترد أرواحنه بس روضك أنشمه
نشم روضك صدق يحسين تتكرر؟
وأيام المضت يمك يبو الأكبر
****
مواكب ذيج وذاك المشعل اليفتر
والناس التجيك بحزن مهتمه
إلك جنه إبمواكب حزن نتعنه
بيارقنا ترف ويضوي مشعلنه
****
ولعند بابك نهمل دمعانته بونه
لون طبينه صحنك صرنه بالجنه
ومحلاها الخلق بالجنه ملتمه
محلاها الخلق ملتمه بالجنه
****
نلطم عالصدر فد دقه فد حنه
والرادود حمزه يردد إبونه
إلمن هالشموع ؟ وإلمن الحنه؟
والمنظور شعر الفاجعه أمنظمه
****
جنه أوياك على المر والحلو يحسين
لاوين الدهر أبعدنا عنك وين؟
وهذا الي صفى ياضنوة الطيبين
أصبحنه إلمصابك نبجي لمصابين
****
جرحك والبعد شيهمنه
هظم والله إبمصابك بنجي على الغربه
وشيصبر الغريب إلينكسر جنحه؟
صدق ألطم وعيوني إلمرقدك تربه؟
****
صدق صحنك يغالي شوفته صعبه؟
صدق بس بالحلم يتراولي رسمه ؟
صدق يحسين صرنه أنزورك أمن بعيد؟
صدق مثل اليتيم الماتهنه بعيد؟
****
صدق صرنه ندق الأيد فوق الأيد؟
بعد شيفيد ياحسين العتب شيفيد
سهم دهري رماني وما خطه سهمه
الرجوع الى أعلى الصفحة اذهب الى الأسفل
http://iraq.forumotion.com
 
قصائد كتابية الهي إنجان ماردن لبو اليمه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة الـ عراق جات :: مـنـتــــدى الـمـوا ضـيــــع الـــعـــامـــة-
انتقل الى: