شبكة الـ عراق جات

معاً نلتقي لنرتقي
 
الرئيسيةبحـثالمجموعاتالتسجيلدخول
للاستفسار او الاتصال ادارة الشبكة ... موبايل 07809610099 او البريد الالكتروني rashad884@yahoo.com
اذا اردت ان يكون لديك حساب في شبكة الـ عراق جات عليك اتباع الخطوات التالية اولاً الذهاب على كلمة تسجيل وبعدها ادراج الاسم المستعار والباسورد وبعد اكمال الخطوات سيتم ارسال رسالة على بريدك الالكتروني الذي قمت بأدخالة اثناء التسجيل عليك فتح الرسالة وتفعيل حسابك خطوات جداً بسيطة
شبكة الـ عراق جات
قنوات bein sports
DIV>
الدردشة
المواضيع الأخيرة

شاطر | 
 

 خيانة ونكران الحب...بداعة؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميمي
عضو ماسي

عضو ماسي


الموقع : http://alzaeem.lolbb.com

مُساهمةموضوع: خيانة ونكران الحب...بداعة؟؟   14.12.12 14:56


اشكثر يالمحبوب تحب تخون
وشبسرعة عندك العشرة تهون
وشما سويت بيه ضليت لعيونك اصون
سنين عشتها وياك ..... اشكثر مرة ...
وشكثر كلت اوووف وشكثر جريت حسرة
وشكثر وصلولي كلام وكالولي حبيت
جذبتهم لعيونك ولا صدكيــت
كل شهر عندك محبوبة جديدة


صح كذبتهم بس بداخلي اني اكيدة
وبكل مره تعوفك الجديدة .... ندمان ترجع
وتحجيلي كلمتين اسف وجوه رجلي تركع
واني بعمري الك ماصديت ....
وبكل مره اسامح ولاتخليت
جنت مثل الورق ارجف من اسمع كلامك
احلى ايام تمنيتها تكون ايامك
تمنيتك تكون احد اسباب هنايا ..
شاء القدر ان يجعلك اكبر اسباب جفايا ...
وبيوم من الأيام كالولي محبوبج هناك ويا محبوبة ...
كاعدين بذيج الزاوية ... بلون مصبوغة...
صار الجدم يرجف من هيج اسمعت ...
وبكل غضب عليهم اركض رحت
وسألته بهمس من تكون الي انت مجالسها .؟؟
وفجأه التفتت وشفت بأصبعها محبسها !!
كتله ياظالم تريد على ايدك يصير موتي ؟
جاوبني بجفا : ماعرفتج هذه خطيبتي !!
بساعتها حسيت روحي ودعت
وماعرف شلون للبيت ارجعت
وحضرت الخطيبته اجمل هديه .....
علبه مليانة رسايل قديمة من محبوبها اليـــــــة !
وبوكتها كلت اه انه شكـــــــــثر غبية ....
وعفتهم ومشيت ورجعت على حيلي وكفت ...
واني هم اجاني ابن ناس وغيره عرفت ....
ولاكيته بيوم عايفها وكاتله الحرمان ...
يعض بأصابع الندم ويصيح ندمان ....
عاتبته بقسوة وكتله .... انت مو انسان
كلي : كولي التكولي هذا من حقج
بس راجع ندمان وجارحني بعدج
واني مثل الطفلة لحضانه رجعت ...
وبأول ايامي ويا من جديد انغدرت
وهم عرف محبوبة سمرا حلوة الطول ...
وهالمرة اتعرفت عليها على طول
صاحبت صاحبته وسويتها صاحبتي .....
ومن اتصلنا بي اني وياها ... رد عليه وكال : منو انت ِ؟؟؟؟
نكرني كبالها ابن الحرام !!
هو هذا هم انســــــــــان؟؟

واني اكول /

العشرة م تهووون الاّ ....

الاّ على ابن الحراااام ....
الرجوع الى أعلى الصفحة اذهب الى الأسفل
http://alzaeem.lolbb.com/
 
خيانة ونكران الحب...بداعة؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة الـ عراق جات :: مــنـتـــدى الــنــثــــر و الـخـــوا طــــر-
انتقل الى: