الي يومين صار امكابل الباب

الي يومين صار امكابل الباب
واكولن هسة تطلع باجر تهون
وابشرك خاف امس ماتعرف الناس
هسة بحبنه كل الناس يدرون
اريد الوحدي اكعد انا وياك
وغير عيوني ابد متشوفك عيون
منتظرك تجي يلجيتك العيد
جهال اعيوني وبجيتك ايتانون
واكف وانتظر تطلعلي بالباب
وتطلعت وبقيت محتار الظنون
علي والله الثواني يمرن سنين
وادعي من الله بلكي اهلك يطلعون
وعرفتك ليش ماتطلع من البيت
من حسنك عليك اهلك يخافون
ماتنلام ناسك من يحزدوك
لاشافو ولامثلك يشوفون
انه ابالي امنحطك يشرد البال
اضمك وين من عين اليحزدون
اخذ اعيوني يمك بلكت يمك اتهيد
انه ابلاشوفتك شلي بالعيون