خيمنا مهدمه وعنك مشينا خويه وفرقتك تصعب علينا
ليل النايبات على الفواطم حل اليوم يا فخر الهواشم
ياللي على العهد ظليت دايم قلي بيا كتر هساع نايم
نايم والأعادي مفرهدينه خويه وفرقتك تصعب علينا
خيمنا مهدمه وعنك مشينا خويه وفرقتك تصعب علينا
فوق الغبره جفينك رميه مذبوح بنحر شبل الزجيه
خدري تهدم بهاي المسيه وياي بهضم كل فاطميه
صرنا نوادع حسين وبنينه خويه وفرقتك تصعب علينا
خيمنا مهدمه وعنك مشينا خويه وفرقتك تصعب علينا
دم الجفن من عدها تحدر ليلى تصيح وين وليدي الأكبر
منهو الضمد جبينه التطبر ياهو الروى لقليبه التفسر
ظنها تروي للظامي وتعينه خويه وفرقتك تصعب علينا
خيمنا مهدمه وعنك مشينا خويه وفرقتك تصعب علينا
رمله تصيح آ يا بني يا جسام وسفه عليك يا بني عالثرى تنام
عجنت حنتك يا وليدي الأيام ويلي شمعتك طفت الظلام
عقبك والقلب ظـل بونينه خويه وفرقتك تصعب علينا
خيمنا مهدمه وعنك مشينا خويه وفرقتك تصعب علينا
وحده وتهز صارت مهد خالي وتلول بحزن طول الليالي
درت والثدايه ودمعي هالي هاك من النحر اشرب يا غالي
ليها ونت الزهره الحنينه خويه وفرقتك تصعب علينا
خيمنا مهدمه وعنك مشينا خويه وفرقتك تصعب علينا
بس آنه طلعت للنهر لأجلك أمسح للترب من فوق عينك
بلجي تقوم لينا ونرد بحماك ويعود الظعن للوطن وياك
لكن يالوسف رحت من إيدينا خويه وفرقتك تصعب علينا
خيمنا مهدمه وعنك مشينا خويه وفرقتك تصعب علينا